Rreth GAP
Instituti GAP është një Think Tank i themeluar në vitin 2007 në Kosovë. Përgjatë këtyre viteve, GAP ka qenë direkt pjesëmarrës në dhjetëra grupe punuese qeveritare për hartim të politikave dhe një numër i madh i dokumenteve publike që tani ndodhen në zbatim njohin kontributin e GAP gjatë procesit të hartimit të tyre. GAP ka publikuar me dhjetëra analiza dhe raporte; GAP u ka dhënë hapësirë për punë një numri të madh të profesionistëve të fushave të ndryshme; publikimet e GAP janë ndër më të cituarat në mediat vendore dhe raporte të ndryshme ndërkombëtare; studiues të shumtë, të cilët merren me zhvillimet politike në Kosovë, kanë cituar publikimet e GAP në studimet e tyre.
Misioni
Instituti GAP synon që të mbushë hendekun në mes të qeverisjes dhe qytetarëve, në mes të problemeve dhe zgjidhjeve, me qëllim të avancimit të shoqërisë kosovare. Këtë e bëjmë duke avokuar për një qeverisje më të mirë, duke monitoruar punën e institucioneve publike, dhe duke rekomanduar zgjidhje konkrete mbi politikat publike. GAP adreson sfidat ekonomike, politike dhe sociale në vend duke mobilizuar profesionistë të fushave të ndryshme.
Stafi
Bashkëpunëtorët e jashtëm
Kuvendi i Anëtarëve
Pasqyrat financiare
Rekrutimet
Instituti GAP është duke kërkuar Hulumtues/e të Lartë me përvojë dhe me njohuri në fushën e politikave publike. Kandidatët/et duhet të plotësojnë këto kushte:
- Të kenë kualifikime akademike në ndonjë fushë që ndërlidhet me politikat publike (zhvillimi ekonomik, financat publike apo energjia)
- Të kenë të paktën 4-5 vite pervojë pune në hulumtime (e preferuar përvoja në ndonjë think-tank vendor ose të huaj)
- Të kenë publikime, si autorë/e ose bashkë-autorë/e të analizave/studimeve në fushën e politikave publike
- Të posedojnë shkathtësi për prezentimin e studimeve
- Aftësi të mira të shkrimit në gjuhën shqipe dhe angleze
Instituti GAP është një think-tank vendor me më shumë se dhjetë vite përvojë në kërkime dhe avokim për politika më të mira publike.
Për të aplikuar për këtë pozitë ju lutem dërgoni CV-në tuaj dhe një letër motivimi, si dhe një publikim/punim (në gjuhën shqipe ose angleze) në info@institutigap.org.
Mundësia për aplikim do të jetë e hapur për kohë të pacaktuar. Të gjithë kandidatët e interesuar mund të aplikojnë për këto pozita në adresën e lartëpërmendur.
Kandidatët të cilët përmbushin kriteret e kërkuara dhe kalojnë me sukses procedurat e verifikimit të njohurive, do të jenë pjesë e listës prej së cilës do të kontaktohen për marrëdhënie pune, varësisht prej projekteve dhe nevojave të GAP.
